Breaking News

కొబ్బరి తింటున్నారా!

images

ఇంట్లో కొబ్బరి ఉందంటే పచ్చడి చేయడమో, కూరల్లో వేయడమో మనలో చాలామంది చేసేదే.

అసలు కొబ్బరి ఆరోగ్యానికి ఎలా మేలు చేస్తుందో తెలుసా?

* పచ్చి కొబ్బరిలో యాంటీ వైరల్‌, యాంటీ బ్యాక్టీరియల్‌, యాంటీ ఫంగల్‌ గుణాలు ఎక్కువగా ఉంటాయి. ఇవి రోగనిరోధక శక్తిని పెంచుతాయి. నాలుగైదు ముక్కలు తింటే చాలు శరీరానికి తక్షణ శక్తి అందుతుంది. ఎక్కువగా ఆటలాడే పిల్లలకూ దీన్ని పెట్టొచ్చు.

* కొబ్బరి తినడం వల్ల జీర్ణశక్తి మెరుగుపడుతుంది. శరీరంలోని వ్యర్థాలు బయటకు పోతాయి. చర్మానికీ మేలు జరుగుతుంది. వృద్ధాప్య ఛాయలు కనిపించకుండా ఉంటాయి.

* గుండె సంబంధిత సమస్యలున్నవారు కొబ్బరి తింటే మంచిది. ఇందులో మేలు చేసే కొలెస్ట్రాల్‌ ఉంటుంది. అది గుండె పనితీరును మెరుగుపరుస్తుంది. బరువు తగ్గాలనుకునే వారికి కూడా కొబ్బరి మంచిదే.

* థైరాయిడ్‌ సమస్య ఉన్నవారు కొబ్బరి తినడం వల్ల ఆ సమస్య అదుపులో ఉంటుంది. అలానే మూత్రనాళ ఇన్‌ఫెక్షన్‌లూ తగ్గుముఖం పడతాయి.

* రాగి, సెలీనియం, ఇనుము, మాంగనీస్‌, ఫాస్పరస్‌, జింక్‌ వంటి పోషకాలు ఇందులో లభిస్తాయి. ఇవన్నీ శరీరానికి అందడం వల్ల జీవక్రియ రేటు సరిగా ఉంటుంది. ఎముకలూ, చర్మం, గోళ్లు ఆరోగ్యంగా ఉంటాయి.

* పచ్చికొబ్బరిలో బికాంప్లెక్స్‌ విటమిన్లు, ఫొలేట్లు, రైబోఫ్లెవిన్‌, నియాసిన్‌, థయామిన్‌ లభిస్తాయి. తరచూ నోటిపూతతో బాధపడేవారు కొబ్బరి తిన్నా, కొబ్బరి పాలు తాగినా ఈ పోషకాలు అంది, ఆ సమస్య త్వరగా తగ్గుతుంది.

About The Author

Related posts

Leave a Reply


Your email address will not be published. Required fields are marked *