Breaking News

చిరు బర్త్ డే నాడు రాంచరణ్ ఫస్ట్ లుక్ విడుదల

ram

మెగాస్టార్ చిరంజీవి జన్మదినోత్సవం కానుకగా మెగా పవర్ స్టార్ ‘రామ్ చరణ్’ చిత్రం  తొలి ప్రచార చిత్రాలు , చిత్రం టీజర్  విడుదల

  మెగా పవర్ స్టార్ ‘రామ్ చరణ్’, సూపర్ డైరెక్టర్ ‘శ్రీను వైట్ల’ ల తో  సుప్రసిద్ధ నిర్మాత దానయ్య డి.వి.వి  ‘డి.వి.వి. ఎంటర్టైన్మెంట్స్ ఎల్ ఎల్ పి.’ పతాకం పై శ్రీమతి డి. పార్వతి సమర్పణలో నిర్మిస్తున్న భారీ ప్రతిష్టాత్మక చిత్రం  ప్రస్తుతం  హైదరాబాద్ లో నిరవధికంగా షూటింగ్ జరుపుకుంటోంది. 

‘మెగాస్టార్ చిరంజీవి’ స్పెషల్ అప్పియరెన్స్ :
‘నిజమే.. ఎంతో ఎగ్జయిటింగ్ గా ఉంది’. మెగాస్టార్ చిరంజీవి ఈ చిత్రం లో నటించే విషయం పై దర్శకుడు శ్రీను వైట్ల మాట్లాడుతూ పై విధంగా అన్నారు. చిరంజీవిగారు ఎంతో ఎనర్జిటిక్ గా, మరింత గ్లామరస్ గా ఉన్నారు. ఆయన నటించే సన్నివేశాలను త్వరలో చిత్రీకరించ బోతున్నాము. ఆ క్షణాల కోసం ఎదురు చూస్తున్నాను. ఖచ్చితంగా ఓ మాట మాత్రం  చెప్పగలను. అభిమానుల ఆనందం అంబరాన్ని తాకేలా మెగాస్టార్ చిరంజీవి గారు కనిపించే సన్నివేశాలు తెరకెక్క బోతున్నాయని తెలిపారు దర్శకుడు శ్రీను వైట్ల. 
ram2
 
మెగా పవర్ స్టార్ ‘రామ్ చరణ్’ ఫస్ట్ లుక్ మరియు ‘టీజర్’ 
 
మెగాస్టార్ చిరంజీవి 60 వ జన్మదినోత్సవాన్ని పురస్కరించుకొని ఈ చిత్రానికి సంభందించిన మెగా పవర్ స్టార్ ‘రామ్ చరణ్’ ఫస్ట్ లుక్ ను విడుదల చేసారు నిర్మాత  దానయ్య డి.వి.వి. అలాగే ఈ రోజు రాత్రి మెగాస్టార్ చిరంజీవి అభిమానుల సమక్షంలో చిత్రం ‘టీజర్’ ను కూడా విడుదల చేయ నున్నట్లు తెలిపారు.
ఈ సందర్భంగా నిర్మాత దానయ్య  డి.వి.వి. మాట్లాడుతూ..’ మెగాస్టార్ చిరంజీవి గారు మా బ్యానర్లో అందులోనూ మెగాపవర్ స్టార్ రామ్ చరణ్ తో మేము ప్రతిష్టాత్మకంగా నిర్మిస్తున్న ఈ చిత్రంలో ‘స్పెషల్ అప్పియరెన్స్’ లో కంపించనుండటం ఎంతో  సంతోషంగా ఉంది. ఆయన కనిపించేది కొద్ది నిమిషాలే అయినా అవి మెగాభిమానులకు కన్నుల పండుగలా అనిపిస్తాయని తెలిపారు నిర్మాత దానయ్య డి .వి.వి. 
 
మెగా పవర్ స్టార్ ‘రామ్ చరణ్’ తో పాటు  ఇతర ప్రధాన తారాగణం అంతా పాల్గొనగా టాకీ పార్ట్ కు సంభందించిన సన్నివేశాలను హైదరాబాద్ లో ప్రస్తుతం చిత్రీకరిస్తున్నట్లు  తెలిపారు నిర్మాత దానయ్య డి.వి.వి. విజయదశమి కానుకగా చిత్రాన్ని విడుదల చేయనున్నట్లు ఆయన తెలిపారు. ఈ చిత్రానికి సంభందించి ఇంకా ఎలాంటి పేరును నిర్ణయించలేదని తెలిపారు. నాయక్ తర్వాత మెగా పవర్ స్టార్ రామ్ చరణ్ తో ఈ సినిమా నిర్మించటం ఎంతో ఆనందంగా ఉంది. భారీ తారాగణం తో పాటు, అత్యున్నత సాంకేతిక విలువలతో ఈ చిత్రం ముస్తాబౌతుందని అన్నారు.
 
ఈ చిత్రానికి కథ : కోన వెంకట్, గోపి మోహన్, మాటలు: కోన వెంకట్, రచనా సహకారం: ఉపేంద్ర మాధవ్ , ప్రవీణ్ 
 
లైన్ ప్రొడ్యూసర్ : కృష్ణ , 
ఎగ్జిక్యూటివ్  ప్రొడ్యూసర్: వి. వై. ప్రవీణ్ కుమార్ 
సమర్పణ : డి. పార్వతి 
నిర్మాత : దానయ్య డి.వి.వి.

About The Author

Related posts

Leave a Reply


Your email address will not be published. Required fields are marked *